Sharab Peene ke 5 Fayde

Sharab ke fayde

Sharaab ke 5 Faayde
===================

1. Sharaab Vyakti ki naisargik pratibha ko baahar nikalta hai
Jaise koi Achcha Dancer hai, lekin sharm ki wajah se logo ke saamne nahin naach pata hai.. 2 ghoont andar jaate hi apna aisa nritya pesh karta hai ki uske saamne Michael Jackson bhi paani na maange!!

Aise kayi udaharan
Aapne shaadi byaah ke avsar par sharabiyo ko nritya karte hue dekha hoga
koi naagin bankar zameen par lotata hai
to koi ghoonghat daal kar mahila nritya prastut karta hai
Jo sher-o-shayari aur sahityik baate samanaya awastha mein nahin ki jaati hai
sharaab peene ke baad kayi logo ko badi badi sahityik baate shero shayari bhi karte dekha gaya hai!

2. Sharab vyakti ke aatma-vishwas ko kayi guna badha deti hai
do ghoont andar jaaye hi chuhe ki tarah darne wala darpok se darpok vyakti bhi sher ki tarah ghurrane lagta hai
Sharaab peene ke baad kayi patiyo ko apni patni ke aage gurrate hue dekha gaya hai

3. Sharaab vyakti ko prakriti ke kareeb laata hai
do ghoont andar jaaye hi sharabiyo ka prakriti prem ubhar kar saamne aa jaata hai aur kayi sharabi sharaab ka aanand lene ke baad zameen, keechad, naali aadi prakritik jagaho par vishram karte paaye jaate hain.

4. Sharaab vyakti ki bhashayi bhinnata kam kar deta hai,
Jo log angrezi bolna chahte hain lekin bol nahin paate hain, angrezi bolne mein hichkichahat mehsoos karte hain..
do ghoont andar jaate hi aisi dhara-prawah angrezi bolne lagta hai ki bade se bada angrez bhi sharma jaaye. aise kayi logo se aapko pala pada hoga.

5. Sharaab vyakti ko dildaar banati hai
Kanjoos se kanjoos vyakti bhi 2 ghoont andar jaate hi kisi saltanat ke badshah ki tarah vyavhaar karne lagta hai, aise logo ke jeb mein bhale footi kaudi na ho, lekin yeh log jamaane ko khareedne mein peechhe nahin hatate hain.

Sharaab ke Kareeb Aayiye

Get New Jokes in your mailbox

Subscribe for daily email, and never miss out on most popular jokes.

One thought on “Sharab Peene ke 5 Fayde

Leave a Reply to Trilok SIngh Cancel reply

on Oct 6, 2013